الرسالة للمحاماة و الاستشارات القانونية ـ العدالة رسالتنا و الحق غايتنا ـ بوابة مصر القانونية
حتى لا تفاجئ قبل سفرك  Caoaac11

الرسالة للمحاماة و الاستشارات القانونية ـ العدالة رسالتنا و الحق غايتنا ـ بوابة مصر القانونية

عزيزي العضو ... اهلا و مرحبا ... تأكد من مكان القسم الخاص بالاستشارة لسرعة و سهولة الرد عليكم في اقرب وقت ممكن ... مع تحياتنا ... و يسعدنا استقبل استشاراتكم القانونية
 
التسجيلالتسجيل  الرئيسيةالرئيسية  حتى لا تفاجئ قبل سفرك  Empty  استشارات قانونيةاستشارات قانونية  بحث متقدمبحث متقدم  دخولدخول  

شاطر
 

 حتى لا تفاجئ قبل سفرك

اذهب الى الأسفل 
كاتب الموضوعرسالة
المدير العام
المدير العام
المدير العام
المدير العام

شارك معنا : kh1261@yahoo.com
الجنس ذكر
رقم العضوية : رقم عضويتك معنا
الرصيد : 5170
عدد المساهمات : 80

حتى لا تفاجئ قبل سفرك  Empty
مُساهمةموضوع: حتى لا تفاجئ قبل سفرك    حتى لا تفاجئ قبل سفرك  Icon_minitimeالأحد أغسطس 12, 2012 9:04 pm

قصة قرائتها :

حتى لا تفاجئ قبل سفرك
السلام عليكم ورحمة الله وبركاتة انا حبيت افيد كل اصدقائنا لانها تجربة ومريت بيها وعلشان حلمك ميضعش امام عينك وانت مش هتقدر تعمل اى حاجة الموضوع هو تصريح السفر ياجماعة الموضوع دة خطر جدا واحكلكم اللى حصل معايا عسى ان تستفيدو من هذا الموقف .

قبل اى شئ اصدقاء لى قالولى مش مشكلة تصريح السفر دلوقتى فى حاجات مهمة اعملها الاول التصريح بيطلع فى يوم يا عم وروح قبل السفر بيومين بينى وبنكم مدخلش دماغى الكلام دة وروحت واخد نفسى وعلى القسم اللى انا عملت فية التعبئة بتعتى فطلبت من العسكرى الموجود هناك طلب ايضاح علشان اعمل تصريح السفر قالى ماشى لحظة فتح الدفتر وفضل يدور على اسمى لحد لما لاقه وبعدين ادانى المفاجئة اللى مكنتش تخطر على بالى اطلاقا وقالى انت عندك تخلف استدعى قولتلو ازاى مفيش حد جالى وقالى على الاستدعاء ده قالى هو كدة مفيش حل لازم نعمل ورق علشان تروح تتحاكم وبعدين تشوف تصريح السفر اذا كنت هتلحق ميعاد السفر المهم ياجماعة انا عملت حاجات والله ماعملتها لما عملت ورق الجيش اول مرة عسكرى التعبئة فى القسم اروحلة يقولى تعالى بكرة الظابط مش هنا تانى يوم عندنا تفتيش تالت يوم انا رايح القطاع ولما حن عليا طلع عنى مع شيخ الحارة علشان يمضيلى وبعد كدة جوة القسم نفسة مع الظباط شوفت العجب بعد كل دة روحت مديرية الامن خدت امضاء ومشيت لحد هنا خدت من الوقت اسبوعين ما بين مطوحة عسكرى التعبئة وبين القسم وشيخ الحارة ومديرية الامن بعد كدة روحت التجنيد بالملف فضلو يخلصو فى الوروق مابين مكانين اوتلاتة وبعد كدة وبعد كدة قالولى روح التحقيقات فى التجنيد برضو روحت الساعة 12 بالظبط قالولى اخر ميعاد لاستلام الملف الساعة 12 مشيت غصب عنى وجيت تانى يوم من الصبح وبعد كدة سلمت الملف وفضلت مستنى لحد الساعة 11 وبعدين ادانى ورقة فيها ميعاد المحاكمة بتعتى وطبعا مش بيكون بعدها بيوم ولا يومين يعنى مثلا انا خدت الورقة يوم 23 المحاكمة كانت يوم 4 من الشهر اللى بعده وبعد المحاكمة تيجى بعدها ب10 ايام علشان تاخد صورة الحكم والحمدلله انا اخدت براءة لانى الاستدعاء بتاعى كان عدى علية 3سنين وكمان 3سنين يعنى القضية سقطت المهم روحت بعد 10 ايام ياجماعة عاوز صورة الحكم وبعد مااستنيت دورى قالولى لا انت لسة الملف بتاعك مجاش من التجنيد روح شوفة روحت تانى يوم التجنيد وسالت العسكرى فضل يدور وبعدين قالى الملف بتاعك مجاش من النيابة اللى انا اتحاكمت فيها روحت النيابة تانى قولتلهم يعنى الملف عندكم وتودونى التجنيد ياجماعة انا سفرى بعد 10 ايام حرام عليكم ففى عسكرى محترم كدة قالى بص الملف اهو انا هابعتو انهاردة وتعالى خد صورة الحكم الاسبوع الجاى كلام صدق ولا هتمشوار تانى وهيكون فضلى 4 ايام على السفر ويضع عليا قالى لا ان شاء الله هيكون خلص وبالفعل روحت انهاردة وخدت صورة الحكم و خدتها جرى على التجنيد علشان الحق التحقيقات بتاعت الساعة 12 والحمد لله لحقتها وخلصت اوراقى وتم عمل شطب للاستدعاء وخدت جواب انى اعمل تصريح السفر وابتدى فى الاجرات العادية بتاعته اللى هى مكتب التعبئة فى القسم وبعدين مديرية الامن وبعدين التجنيد وبعدين استلم تصريح السفر ان شاء الله انا عارف انى طولت اوى اوى عليكم لكنى كنت لازم احكلكم على الموقف دة اللى ممكن يضيع حلم كتير منا ومن غير ذنب ياجماعة انا الموضوع دة خد معايا 45 يوم تخيلو لو كنت روحت قبلها باسبوع كان اية حصل اتمنى ان كل الناس تبادر بعمل التصريح قبل السفر بفتره طويلة واتمنى انكم تستفيدو ومحدش يا جماعة يتخلف عن الاستدعاء لان فى قرار طلع من اسبوعين ان التخلف عن الاستدعاء غرامة 500 جنيه و سنة حبس وتنفذ اتمنى ليكم كل الخير سلام






حتى لا تفاجئ قبل سفرك  530891
حتى لا تفاجئ قبل سفرك  813965
الرجوع الى أعلى الصفحة اذهب الى الأسفل
http://fawzyi.mam9.com/html-h1.htm http://fawzyi.mam9.com/contact
 
حتى لا تفاجئ قبل سفرك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرسالة للمحاماة و الاستشارات القانونية ـ العدالة رسالتنا و الحق غايتنا ـ بوابة مصر القانونية :: استشارات قانونية :: عسكرية و تجنيد-
انتقل الى: